芭蕉结子心一条
   芭蕉结子心一条，爱涯多心涯就矛。
    阿妹好比竹笋样，生出泥皮尽心高。
   
    人家爱讲唔使愁，纸鹞上天任风流。
    风流唔系涯创个，还系老辈先带头。
   
    年三十晡贴门神，扯去旧个换过新。
    新个贴久也会旧，唔当旧个过本真。
   
    火喇唔怕生　萁，连妹唔怕爷哀知。
    湖鳅拿来煮豆腐，等得人知早熟哩。
   
    嘱妹千祈莫迟疑，莫嫌丈夫运气迟，
    腊蔗想长几多节，世界看得几多时？
   
    郎今劝妹爱分明，人生祸福讲唔清。
    自家若系无志气，嫁到哪里也苦情。
   
    家中事务切莫愁，落力做哩总会有。
    妹系真心同哥好，自有云开见日头。
   
    嘱妹千祈莫心焦，总爱同郎长久交。
    莫想他乡大世界，食着两字郎敢包。
   
    哥今劝妹入耳听，恨囫不过一时间。
    家中兄嫂爱和顺，月到十五又团圆。
   
    郎今劝妹好言语，有烧有冷自家知。
    身子自家爱保重，愁切两字放开亻巨。
   
    哥就打鼓妹吹箫，唔怕叔公柬精刁。
    十日半月嬲一摆，黄虫察 送饭盲知臊。